Golfklúbbur Öndverðarness
  • Fréttir
  • Klúbburinn
    • Mótaskrá
    • Vinavellir GÖ
    • Kvennastarf
    • Unglingastarf
    • Starfsfólk
    • Stjórn og nefndir
    • Hafa Samband
  • Mót
    • Meistamót GÖ
    • Bikarkeppni GÖ
    • Gulldeild GÖ
    • Opin mót
    • Innanfélagsmót
    • Hola í höggi
  • Völlurinn
    • Rástímar
    • Forgjafartöflur
    • Skorkort
    • Staðarreglur
    • Umgengni um völlinn
    • Vallarmet
    • Vallarvísir
    • Æfingaaðstaða
  • Gjaldskrá
  • Skáli
    • Veislur

Fréttir frá aðalfundi

Aðalfundur Golfklúbbs Öndverðarness fór fram laugardaginn 23. janúar síðastliðinn eftir að hafa verið frestað vegna samkomutakmarkana. Góð þáttaka var á fundinum en honum var einnig streymt til félagsmanna sem nýttu þann kost vel. Því voru alls 88 fundargestir, ýmist á staðnum eða sem nýttu sér streymið.

Knútur G. Hauksson formaður GÖ fór vel og ýtarlega yfir starf síðastliðins árs sem var með miklum sóma. Framkvæmdir á árinu hafa ekki verið meiri í mörg ár, en þar stendur einna helst upp úr ný flöt á 4. braut vallarins. Sú framkvæmd gekk vonum framar. Félagsmenn hafa sjaldan verið fleiri en þeir eru nú um 555 talsins. Fjöldi leikinna hringja náði einnig nýjum hæðum, en alls voru leiknir um 17 þúsund hringir á vellinum sem var hækkun um 5,000 hringi miðað við árið á undan. Hlutur félagsmanna af þeirri aukningu var stór og ljóst er að félagsmenn GÖ nýta sinn heimavöll mjög vel. 

Knútur leiddi fundargesti í gegnum ársreikninga félagsins sem komu vel út. Tekjur ársins 2020 námu alls tæplega 59 milljóna samanborið við rúmlega 56 milljóna árið á undan, en rekstrargjöld voru rúmlega 52 milljónir samanborið við rúmlega 45 milljóna 2019 (en þá var uppgjörsár bara 11 mánuðir). Reksturinn skilaði eftir rekstrargjöld og fjármagnsliði 5,490,701 kr í hagnað.

Á árinu störfuðu tveir heilsársstarfsmenn hjá GÖ og eru það Sveinn Steindórsson og Ólafur Dór Steindórsson.  

Samþykkt var hækkun á árgjöldum sem er í takt við launa- og neysluvísitölu og verða þau eins og hér segir. 

  • Einstaklingsgjald  26-69 ára             kr. 72,000
  • Einstaklingsgjals 70 ára og eldri       kr. 43,200
  • Öryrkjar greiða 50% af fullu árgjaldi kr. 36,000
  • Yngmenni 16-25 ára                         kr. 28,800   
  • Börn 15 ára og yngri                         kr. 14,000
  • Börn yngri en 16 ára hvers báðir foreldrar eru félagsmenn greiða ekki árgjald.
  • Skálagjald verður áfram óbreytt kr. 5,000                 

Knútur gaf kost á sér til áframhaldandi formennsku í klúbbsins og fékk einróma kosningu enda skilar frábæru starfi fyrir klúbbinn síðustu ár. Aðrir stjórnarmenn sem höfðu lokið stjórnarsetu þau Guðlaug og Guðmundur gáfu áfram kost á sér sem og varamennirnir Sigríður og Aðalsteinn og fengu allir einróma kosningu og lófatak. Stjórn situr því óbreytt áfram og heldur áfram þeim góðu verkum sem hún vinnur að. 

Stjórnina skipa

Formaður: Knútur G. Hauksson  

Varaformaður: Guðmundur Pálmason
Gjaldkeri: Guðlaug Þorgeirsdóttir
Ritari: Brynjar Stefánsson
Meðstjórnandi: Hannes Björnsson 
Varastjórn: Aðalsteinn Steinþórsson  og Sigríður Björnsdóttir 

Stjórn og starfsmenn þakka félagsmönnum gott en óvenjulegt golfár, og mikla og óeigingjarna vinnu í þágu klúbbsins.  

Veðrið
Styrktaraðilar
Styrktaraðilar

                                                                        

  • Golfklúbbur Öndverðarness © 2015