Kvennastarf
Kvennastarf í GÖ – félagsskapur sem þú vilt vera hluti af!
Við erum stoltar af því að GÖ konur eru með eitt öflugasta kvennastarf á landinu, með fjölbreytta og skemmtileg starfsemi sem hvetur konur til að nýta tækifæri til að spila golf, kynnast nýjum vinkonum og njóta góðra stundar í frábæru félagsskap.
Allar konur í klúbbnum eru velkomnar og hvetjum við ykkur til að koma og vera með til að kynnast starfinu okkar.
Helstu viðburðir sumarsins:
Kvennagolf: Föstudagssgolf þar sem við spilum 9 holur, rástímar kl. 17.30-18.30. Stundum eru leikir/keppni og stundum er bara spilað golf í skemmtilegum félagsskap.
Bikarkeppnin gegn GKB: Árleg keppni í júní , þar sem við keppum um bikarinn. Mótið er skemmtilegt punktamót þar sem allir keppendur eru jafnir og við vonumst til að sem flestar taki þátt. 2024 unnum við bikarinn og því um að gera að vera með og halda honum áfram „heima“.
Hattamótið: Árlegt mót sem er í boði BYGG með veglegum verðlaunum. Mótið er 2ja manna Texas skramble og það má bjóða vinkonu með. Mótið er mjög vinsælt og skráning opnar fljótlega.
Opna Biotherm: Árlegt mót sem verður þann 13. júlí, glæsilegt opið mót með flottum vinningum.
Haustferð: Í kringum mánaðarmótin ágúst-sept ljúkum við frábæru sumri með 18 holu móti og förum saman með rútu á einhvern af nágrannavöllum okkar (Flúðir/Kiðjaberg/Selfoss/Hveragerði). Eftir mót er sameiginlegur kvöldverður og verðlaunaafhending.
Við hlökkum til að sjá ykkur í sumar og hvetjum ykkur til að vera virkar í frábæru kvennagolfstarfi!
Kvennanefnd GÖ 2025
Ágústa Óskarsdóttir
Berglind Helgadóttir
Ester Ottesen Hauksdóttir
Harpa Iðunn Sigmundsdóttir
Harpa Þorláksdóttir
Sólveig Unnur Bentsdóttir